အလဲဗင်းမီဒီယာအုပ်စု၏ အမှုဆောင်အရာရှိချုပ် ဒေါက်တာသန်းထွဋ်အောင်

ဒါပေမယ့် Leading Media တခုဖြစ်တဲ့ EMG က တောက်လျှောက်ကိုင်စွဲလာတဲ့ ethic policy ကို လွတ်လိုက်ပြီလား။ အရမ်းသိချင်လာပါတယ်။ ဘယ်သွားမလဲ Eleven၊ ဘာတွေလုပ်နေတာလဲ Eleven၊ ကိုယ့်မူဝါဒကို လွှတ်ချလိုက်တာလား၊ လွှင့်ပစ်လိုက်တာလား၊ ကိုယ့်ကိုကိုယ် ဘယ်ရောက်နေမှန်းတောင် မမြင်တော့တာလား၊ EMG က ဆရာတွေ ဘာဖြစ်ကုန်တာလဲ၊ တောက်လျှောက် အကောင်းလား၊ အစကတည်းက ဒီလိုလား ...။

အခုရခိုင်ကိစ္စမှာ ဘယ်ဘာသာကိုပဲ ကိုးကွယ်ကွယ်၊ အလယ်က သတင်းသမားသာ တင်ပြတာ မမှန်ခဲ့ရင်၊ ဘက်လိုက်ဇောင်းပေး biased လုပ်ခဲ့ရင် လူမျိုးရေး၊ ဘာသာရေး ဆူပူတာ ပိုကြွလာမယ်၊ နှစ်ဘက်လုံး မလိုအပ်ဘဲ အသက်စည်းစိမ်တွေ ပိုဆုံးရှုံးမယ်။ သေးတဲ့အမှု ပိုကြီးလာမယ် ဆိုတာ ဆရာတို့လို တက္ကသိုလ်က လူတွေ အပါအ၀င် ဒေါက်တာသန်းထွဋ်အောင်နဲ့ EMG ဝိုင်းတော်သားများအားလုံး၊ စာတကယ်ဖတ်သူအားလုံး နားလည်မှာပါ။

ပထမ - ရခိုင်အမျိုးသမီးတဦး မုဒိမ်းကျင့်ခံရပြီး ပစ္စည်းယူ၊ အသတ်ခံရတယ်။ ဘယ်သူကပဲ လုပ်လုပ် ရဲပိုင်တဲ့ criminal case ရာဇ၀တ်မှုသာ ဖြစ်တယ်။ ဒီရက်ပိုင်းဖြစ်သွားတဲ့ ဆရာဝန်မတဦးကို သူ့မိတ်ဆွေက ဓာတ်ဆီလောင်း မီးရှို့သတ်တာ၊ ၁၆ လမ်းက ၁၀ တန်းဖြေထားတဲ့ ကောင်မလေးတယောက် လူသတ်၊ ပစ္စည်းယူ၊ မီးရှို့သတ်ခံရတာ၊ ၁၃ နှစ်အရွယ် ကောင်လေးတယောက်ကို လိင်တူယောင်္ကျားချင်း မုဒိမ်းကျင့်၊ ပါးစပ်ပိတ် လူသတ်သွားတာ ... စတဲ့ ဖြစ်စဉ်တွေနဲ့ ဘာမှမကွာလှတဲ့ ဖြစ်စဉ်တူတခုပါပဲ။ ပြီးခဲ့တဲ့ လပိုင်းက ဂျပန်မတယောက်ကို မြန်မာနှစ်ယောက် မုဒိမ်းကျင့်ပြီး သတ်ပစ်တယ်။ ဥပဒအရ နောင်ကျဉ်နေအောင် မြန်မာပြည်မှာ ဒါကို လက်မခံဆိုပြီး ထိထိရောက်ရောက် သေဒဏ်ပေးဆော်ထည့်တယ်။ ဒီဟာတွေမှာလည်း ဘယ်ဘာသာဝင်က လုပ်တယ်လို့ ဘယ်မီဒီယာကမှ မရေးဘူး၊ ရေးစရာလည်း မလိုဘူး။ ရဲက အရေးယူ၊ ထိရောက်တဲ့ အပြစ်ဒဏ်ချ၊ ဥပဒေပိုင်းဆိုင်ရာအရ ပြီးပြီ။ မြန်မာနိုင်ငံထဲမှာ ဖြစ်တယ်။ မြန်မာတည်ဆဲ ရာဇ၀တ်ဥပဒေနဲ့ ထိထိရောက်ရောက် ကိုင်ထည့်လိုက်ရင် ပြီးနေပြီ။

ဘာမှ ဆက်ဖြစ်စရာမရှိဘူးလေ။ ဒီဟာလေးကို EMG က စ ဖွတယ်။ အင်မတန် ထိလွယ်ရှလွယ်တာကို လွယ်လွယ်ရေးချတယ်။ မွတ်ဆလင်ကုလား usage သုံးပြီး comment တွေ ရေးခွင့်ပေးတယ်။ ဘယ်ဘာသာဝင်လို့ ရေးကတည်းက သွားပြီ။ တင်ပြတာ မမှန်တော့ဘူး။ နောက်ဆက်တွဲ ဘာဖြစ်လာမလဲ သိသင့်တယ်။ သိသိကြီးနဲ့ လွယ်လွယ် ရေးချတယ်။ လွယ်လွယ်ဖတ်တဲ့ လူအုပ်စုတစုက သွေးကြွတယ်။ ရပ်ရန် မဟုတ်တဲ့ ဆက်ရန်တွေ ဖြစ်လာတယ်။ Eleven က ဘာဖြစ်စေချင်တာလဲ။ ဆက်ပြီးတော့ သတ်ကြစေချင်တော့ ...

ဒုတိယ - တောင်ကုတ်မှာ လူ ၁၀ ယောက်(ဆရာကတော့ လူလို့ပဲ မြင်မိလို့၊ ဥပဒေအရတော့ နိုင်ငံသားကတ် တရားဝင်ရှိတဲ့ လက်နက်မဲ့ မြန်မာနိုင်ငံသား ၁၀ ယောက်) ကို အခြားသံတုတ်၊ တုတ်ကိုင် နိုင်ငံသား ၂၀၀ ကျော်က မသေမချင်း ဦးနှောက်တွေ ပွင့်ထွက်တဲ့ထိ ရည်ရွယ်ပြီး စောင့်ပြီး ၀ိုင်းရိုက်သတ်တယ်။ သူတို့ ဘာလုပ်မိလို့များ ဒီလိုတောင် လုပ်ခံထိရတာလဲ။ သူတို့က တရားခံတွေမို့လား။ မြန်မာနိုင်ငံမှာ ဒီလောက်ကြီးတောင် ဥပဒေမဲ့ လုပ်ရသလား။ ဘာသာရေးအဆုံးအမ ရှိသူတိုင်း၊ တရားရှိသူတိုင်း ယဉ်ကျေးပြီးသူတိုင်း ဒီဖြစ်ရပ်ကို လက်ခံစရာမရှိပါဘူး။ သူငယ်ချင်း နိုင်ငံခြားက တက္ကသိုလ်ဆရာတွေကတောင် phone နဲ့ mail နဲ့ မေးတယ်။ ဘယ်ကစလဲ။ ပြောပြတော့ ဒီကိစ္စက သေးသေးလေးပဲ၊ ဒီလောက်ကြီးသွားရသလား၊ မင်းတိုို့လို ဘာသာတရားလေးစားတဲ့ နိုင်ငံမှာ ဒီလို ဥပဒေမဲ့ လွယ်လွယ်လေးသတ်တာတွေ ရှိနေပြီလား မေးတယ်။ ဆရာ့မှာ ရှက်စိတ်အပြည့်နဲ့ အဖြေမရှိခဲ့ဘူး။ ဆရာက ဥပဒေသမားမို့ ဥပဒေရှုထောင့်ကပဲ ကြည့်တတ်တယ်။ လူ ၁၀ ယောက် သေတာကို နောက် လူတွေက ပျော်နေရလောက်အောင် မြန်မာတွေက စိတ်ဓာတ်က ဆိုးဝါးအကြမ်းဖက်စိတ် ရှိခဲ့လို့လားဗျာ။ EMG လုပ်ရပ်က နိုင်ငံတကာမှာ မြန်မာသိက္ခာကျစေတာပေါ့။ ရခိုင်ပြည်နယ်ကို နိုင်ငံခြားက လာရောက်လည်ပတ်ချင်သူ၊ ရင်းနှီးမြှုပ်နှံချင်သူတွေ ဘယ်လာရဲတော့မလဲ။ မျက်တောင်တဆုံးပဲ ဆက်ကြည့်တတ်တော့ EMG က ဆက်ဖွနေတယ်၊ ဆက်ဆွနေတယ်၊ ဘယ်ဂျာနယ်ကမှ ရခိုင်အရေးနဲ့ပတ်သက်ရင် သတိကြီးကြီးထား မတိမ်းစောင်းစေဘဲ မဖွဘဲ ရေးတယ်။

The Voice တို့လို့ ဂျာနယ်အကြီးတွေတောင် ပြသနာပိုကြီးထွားမသွားစေချင်လို့ media သမား ပီပီသသနဲ့ comment တွေကို ပိတ်ထားတယ်။ Eleven ကတော့ လွယ်လွယ် ရေးခွင့်ပေးလို့ comment တွေ အပြန်အလှန် ရိုင်းရိုင်းစိုင်းစိုင်း ဆက်ရေးကြပြန်တယ်။ ဆရာ သိသလောက် ဘယ်မြန်မာလူမျိုးမှ မရိုင်းပါဘူး။ Eleven Site ထဲမှာ ဘယ်သူမှ ဖတ်လို့မရလောက်အောင် ဆဲဆိုနေတာတွေက မြန်မာ reader တွေ ရေးတင်တာလို့ ကျနော်တာ့ မယုံကြည်ဘူး။ EMG က လူတွေပဲ ပြဿနာကြီးထွားလာအောင် comment တွေ ထိုင်ပေးနေသလား ထင်ရလောက်အောင်ပါပဲ။ Eleven က ဘာဖြစ်စေချင်တာလဲ။ ဆက်ပြီးတော့ သတ်ကြ၊ ဆူပူကြ ဖြစ်စေချင်တော့...

တတိယ - မောင်တောကိစ္စ ဖြစ်လာတယ်။ တဘက်ဘက်ကို အလွန်အကျွံ နှိပ်ကွပ်တော့ ပြန်ကြွတတ်တာ မသိလို့လား၊ comment တွေ၊ သတင်းတွေ တဖက်သတ် ဖြစ်ကုန်တယ်။ တောင်ကုတ်မှာ လူ ၁၀ ယောက်ကို မသေမချင်း ဦးနှောက်တွေ ပွင့်ထွက်တဲ့ထိ ရိုက်သတ်ခံရတဲ့ ဓာတ်ပုံတွေကိုတောင် မတင်ခဲ့တဲ့ Eleven က မောင်တောမှာ မီးရှို့တာ၊ အပြန်အလှန် ချကြတာတွေကို အချိန်နဲ့ တပြေးညီ update လုပ် တင်ပေးလာတယ်။ အာဃာတလား၊ racists လား၊ သတင်းသမားလား၊ လူဖတ်များ စောင်ရေများ စေချင်တာလား၊ ကြားဝင်လှုံ့ဆော်တဲ့ အပြုအမူတွေကို ဘာလို့ ရွေးလုပ်ချင်ရသလဲ၊ ဘာတွေကို အမြတ်ထုတ်ချင်နေတာလဲ Eleven၊ အလယ်က လူတွေရဲ့လုပ်ရပ်က ဒီလိုပဲလား၊ တရက်ရက်မှာ EMG ဟာ ဒီကိစ္စကို တာဝန်ယူရမှာပါ။

စတုတ္တ - ဒီနေ့ Eleven ရဲ့ လုပ်ရပ် ၃ ခုက စာဖတ်သူတွေကို စိတ်အပျက်စေဆုံးပါပဲ။ သတင်းခိုင်မာမှုကိုတောင် မစောင့်နိုင် EMG ရဲ့ ဖွရရင်ပြီးရော မူဝါဒကို သေချာမြင်လာရပါတယ်။

၁။ GTC ကျောင်းသားတဦး စစ်တွေမြို့လယ် အားကစားရုံးနားမှာ သေတဲ့ကိစ္စ၊ ဘာကြောင့် သေရသလဲ အတိအကျ မသိသေးပါဘူးတဲ့။ ဒဂုံတက္ကသိုလ်က ဆရာတွေတောင် စစ်တွေတက္ကသိုလ်က အသိတွေကို သာမန်ဖုံးလေးတချက် ဆက်တာနဲ့တင် အကြမ်းဖျင်း၊ ဟုတ် မဟုတ် သိနိုင်တဲ့ကိစ္စပဲဟာ။ အတိအကျ မသိသေးရင် မရေးပါနဲ့လား ဒေါက်တာသန်းထွဋ်အောင်နဲ့ EMG ဝိုင်းတော်သားများရယ်။ ဆရာတို့ဟာကလည်း ဖွလိုက်ရရင်ပြီးရော လုပ်လိုက်ပြန်ရော။ ဖြစ်တာက အဆောင်ပိုင်ရှင်နဲ့ GTC ကျောင်းသား ရခိုင်ချင်း ပြဿနာဖြစ် လက်လွန်ပြီး သတ်မိတဲ့ကိစ္စ၊ မောင်တော လူမျိုးရေး၊ ဘာသာရေးသတင်းနဲ့ တမျက်နှာတည်းမှာ ထားပြီး ရောသမမွှေလိုက်တယ်။ လွယ်လွယ်ဖတ်မိတဲ့ လူအုပ်စုတစုကို သွေးကြွစေပြန်တယ်။ ကျောင်းသား အသတ်ခံရတယ်၊ ကုလားတွေကြောင့်၊ သတ်ပစ်ကြ၊ သေကြေမှုတွေ ဆက်ဖြစ်ကြပြန်ရော။ ဘယ်သူ့လက်ချက်မှန်း မသိရသေးဘဲ ethic ဆရာကြီးတွေက ethic လုံးဝမရှိဘဲ လက်သွက်သွက် ရေးချနိုင်တာကို (အံ့သြမကုန်နိုင်ဖွယ်) တွေ့ရပြန်တယ်။ စာတကယ်ဖတ်တဲ့ သူတွေကို လိမ်လို့ မရပါဘူးဗျာ။ အေးအေးချမ်းချမ်း နေလိုသူတွေ EMG ကြောင့် ပူလောင်လာရပြန်တယ်။

၂။ အစိုးရထုတ် သတင်းစာတစောင်မှာမှ မပါသေးတဲ့ ခရေကုန်းဘောင်ရွာက ကျောင်းဆရာမနှစ်ဦး ဓားဒဏ်ရာတွေနဲ့ အသေရောက်လာတဲ့ သတင်းဦး၊ သတင်းထူးကြီးကလည်း ဒေါက်တာသန်းထွဋ်အောင်နဲ့ EMG ဝိုင်းတော်သားများအားလုံး တာဝန်ကျေကျေ အတိုင်အဖောက်ညီညီ လျှောက်ဖွလိုက်တာပဲ ဖြစ်နေပြန်တယ်။ လုံးဝမသေချာဘဲနဲ့၊ လုံးဝမမှန်ဘဲနဲ့ Eleven က ဆူပူအုံကြွမှုတွေဖြစ်၊ စစ်တပ်က ကိုင်မှ၊ အာဏာသိမ်းမှ ရမယ်လို့၊ နှပ်ကြောင်းပေးချင်တာလား၊ တတိုင်းပြည်လုံးက အသေအကြေ ဒုက္ခခံ၊ အသက်ထောင်သောင်းများစွာပေးပြီး စစ်ဖိနပ်အောက်က ရလာတဲ့ ဘာမှ သက်တမ်းမကြာသေးတဲ့ ဒီမိုကရေစီစနစ်ကလေးကို အသေသတ်၊ ပြောင်းပြန်လှန်ချင်နေတာလား။

ကလောင်သွားထက်တာကို အမြတ်ယူချင်တာလား။ လုပ်သူ ခံရသူ ကြားမှာ အမြတ်ထွက်သူရှိတာ မဆန်းပေမယ့် စတုတ္ထဒေါက်တိုင် Eleven ကတော့ နောက်ပြန်လှည့်ဖို့ ဘေးတီးပေးနေ၊ အဆင်းဘီးတပ်ပေးနေသလိုပါပဲ။ လူတဖွဲ့က နောက်လူတဖွဲ့ကို ဘာကြောင့်ပဲ သတ်သတ်၊ သူ့ငရဲ သူသွားမှာပါပဲ။ ဘယ်ဘာသာတရားမှာမဆို လူမသတ်ရဆိုတာ ပညတ်ပြီးသားပါ။ ကုလားကိုသတ်တယ်ပြောပြော၊ ရခိုင်ကိုသတ်တယ်ဆိုဆို၊ လက်စားချေတယ်ပြောပြော၊ ဘာသာရေး၊ လူမျိုးရေး ကြိုက်တဲ့ခေါင်းစဉ်တပ်ပြီး လူသတ်ပါ။ ကိုယ်သေတဲ့အချိန်မှာ တဦးချင်းတယောက်ချင်း သွားရတဲ့ ဘုံအဆင့်ဆိုတာ ကျိန်းသေပေါက် ဘာသာတရားတိုင်းမှာရှိပြီး သတ်မှတ်ပြီးသားပါ။ ဘာကြောင့်များ ဒေါက်တာသန်းထွဋ်အောင်နဲ့ EMG ဝိုင်းတော်သားများအားလုံး လူတွေအချင်းချင်း (ဆရာကတော့ လူလို့ပဲ မြင်မိလို့၊ ကုလား၊ ရခိုင်၊ တရုတ်၊ အင်္ဂလိပ်၊ ခရစ်ယာန်၊ အသားအရောင်၊ ယုံကြည်တာပဲ ကွာမယ်) သတ်ဖြတ်သေကြေတာတွေဖြစ်အောင် ဘာလို့ မမှန်သတင်းတွေနဲ့ လမ်းကြောင်းပြောင်း လှုံဆော်ချင်နေရတာလဲ။ ကုလားတမျိုးလုံးကို သတ်တော့ရော၊ ရခိုင်တွေသေတော့ရော ဒေါက်တာသန်းထွဋ်အောင်နဲ့ EMG ဝိုင်းတော်သားများအားလုံး ဘာတွေများ စီးပွားရေးအမြတ်ထွက်လာမလဲ။ တခုခုကို ခုတုံးလုပ်ပြီး နင်းတက်ချင်တဲ့ စိတ်ဓာတ်က EMG ရဲ့ မူဝါဒလား။

၃။ မောင်တောက ကန်တော်ကြီးသောက်ရေကန်ကို ဘင်္ဂလီတွေက အဆိပ်ခပ်ထားတယ် ဆိုတဲ့ကိစ္စ၊ ဒီသတင်းကို အတည်ပြုဖို့ EMG က အတည်ပြုနိုင်ဖို့ ဆက်သွယ်နေပါပြီတဲ့၊ လုပ်ချလိုက်ပြန်ပြီ။ တကယ့်ရှက်စရာပါ။ ၈၈ အရေးအခင်းက ထွက်ခဲ့တဲ့ စာစောင်တွေလောက်တောင် Eleven အဆင့်မရှိတော့ပါ။ အတည်မပြုရသေးတာကို ဘာလို့ ရေးရတာတုန်း၊ ethic တွေ ဘယ်ရောက်သွားပြီလဲ။ စိတ်တော့မဆိုးပါနဲ့။ ဆရာကတော့ ဥပမာသတင်းလေးတခု ရေးမိတော့မယ်။ ဒေါက်တာသန်းထွဋ်အောင်နဲ့ EMG ဝိုင်းတော်သားတွေ မနေ့ညက တောင်မြင်းပြိုင်ကွင်းလမ်းက EMG ရုံးချုပ်မှာ မကောင်းတဲ့အမျိုးသမီးတွေ အုပ်စုလိုက်နဲ့ ပါတီပေး ညလုံးပေါက် မူးရူးကခုန်ပျော်ပါးပြီး ရှိနေခဲ့ပါတယ်၊ ဒီသတင်းကို အတည်ပြုဖို့ EMG ကို ဆက်သွယ်နေပါတယ်။ ဒီလိုဆို ဘာဖြစ်လာမလဲ၊ ကိုယ့်ဆရာတွေ မပျော်တော့တာ သေချာပြီ။ ဒီလိုလေး ရေးလိုက်မိတာတောင်မှ ကိုယ့်ဆရာတွေ ကျနော့်ကို သတ်ချင်လောက်အောင် ဒေါသထွက်စေ၊ စိတ်ကြွစေရင် သောက်ရေကန်ကို အဆိပ်ခပ်ထားတယ်ဆိုတဲ့ အတည်မပြုရသေးတဲ့ သတင်းကြီးကလည်း အခုဖြစ်နေကြတဲ့ ဘက်နှစ်ဘက်ကို ဘယ်လောက်အတိုင်းအတာအထိ ဒေါသတွေဖြစ်စေ၊ သေကြေစေမလဲ မစဉ်းစားတတ်တာလား၊ ဖွလိုက်ရရင် ပြီးရောလား၊ မီဒီယာတခုရဲ့ဖြောင့်မတ်မှု၊ သတင်းတခုရဲ့ ခိုင်မာတိကျမှုဟာ အသက်ပေါင်းများစွာကို ကယ်တင်စေနိုင်သလို၊ သေကြေစေနိုင်ပါတယ်။ ဥပဒေသမားတဦးနဲ့ သတင်းသမားတဦးမှာ အခြေခံအကျဆုံးက ရိုးသားဖြောင့်မတ်မှုရှိခြင်းပါပဲ။

အခုလို Online မှာ Open Source သတင်းတွေ အများကြီး ရနိုင်ချိန်မှာတောင် သတင်းအမှားတွေ၊ သတင်းအလိမ်တွေ၊ ဒီလိုလေးတော့ ဆော်လိုက်ဦးမှ အောက်တန်းကျစိတ်ဓာတ်တွေနဲ့ လုံးဝတည်ငြိမ်အေးချမ်းဖွံ့ဖြိုးနေတဲ့ ဒေသတခုကို ၁၀ ရက်အတွင်း လုံးဝဆိုးရွားသွားစေလောက်အောင် လူမျိုးရေးအဓိကရုဏ်းတခု ပေါ်ထွက်လာအောင် နောက်ကွယ်ကနေ ဘေးတီးလှုံဆော်ဖန်တီးချင်တဲ့ မူဝါဒရှိနေတာ၊ စာမဖတ်ဖြစ်ကြတဲ့ လူအများစုကို မျိုးချစ်စိတ်အရင်းခံသယောင် စည်းရုံးလှုံ့ဆော် ဆူပူစေတာ၊ ရလဒ်က ရခိုင်ပြည်နယ်ရဲ့ လူနေမှုပုံရိပ်တွေ ကျဆင်းစေတာ၊ စီးပွားရေးတွေ ပုံမှန်မဖြစ်စေတော့တာ၊ လမ်းပန်းဆက်သွယ်ရေး ခက်ခဲသွားစေတာ၊ ပေါ်လာတဲ့ အမြတ်က EMG ကို ပိုမိုထင်ပေါ် စောင်ရေတက် အရောင်းကောင်းစေချင်တာ၊ EMG က ငါတို့ဘက်က မျိုးချစ်တွေ၊ Patriotic တွေလို့ ထင်ရအောင် လုပ်ပြပြီး နိုင်ငံရဲ့လူတိုင်းရဲ့ လက်ရှိပန်းတိုင် နှစ်ပေါင်းများစွာ စောင့်စားနေကြတဲ့ ဒီမိုကရေစီပန်းတိုင်ကိုေ၀၀ါးလမ်းကြောင်း ပြောင်းပစ်နေတာ၊ ဘာမှ စာဖွဲ့စရာတောင်မရှိ (ကုန်ကုန်ပြောရရင် တရက်တိုက်စရာတောင်မရှိ၊ နေ့ဝက်နဲ့ အပြီးရှင်းပစ်လို့တောင်ရ) တဲ့ လူလက်တဆုပ်စာကြောင့် စစ်တပ်က ၀င်လာမှသာ၊ တပ်ဝင်လာပါတော့လား၊ စစ်တပ်ကသာ ကယ်တင်နိုင်တော့မယ်လို့ တစာစာအော်ခေါ်ပြီး အမြင်နောက်ပြန်ဆွဲနေတာ၊ နိုင်ငံပုံရိပ်ကို အဆုံးထိ ဆွဲချပစ်တာတွေဟာ မြန်မာ Journalist တယောက်အနေနဲ့ ရှက်တတ်ရင် ရှက်ပြီး သေပစ်ချင်စရာပါပဲ။ စစ်တပ်ပိုင် မြ၀တီ Eleven လို့တောင် အမည်ပြောင်းပေးရတော့မှာပါ။

ဒေါက်တာသန်းထွဋ်အောင်နဲ့ EMG ဝိုင်းတော်သားများအားလုံး သိသင့်တာက အမှန်သတင်းမီဒီယာတွေဟာ (နောင်အနာဂတ်တကယ်ရှိတဲ့) နိုင်ငံတိုင်းမှာ အသက်သွေးကြောပါပဲ။ နောင်အနာဂတ် နိုင်ငံတော်သစ်ဆီကို လူတိုင်းလူတိုင်း ချွေးသံ၊ အားမာန်အပြည့်နဲ့ ချီတက်နေချိန်မှာ လိမ်ဆင်မမှန် သတင်းအပြည့်နဲ့ ဒေါက်တာသန်းထွဋ်အောင်နဲ့ EMG ဝိုင်းတော်သားများရဲ့ နောက်ပြန်ဆွဲချ၊ လှုံ့ဆော်ရန်တိုက်ပေးနေတဲ့ လုပ်ရပ်က ဆရာတို့ တက္ကသိုလ်အသိုင်းအ၀ိုင်းအတွက်တော့ ရှက်ဖွယ်လိလိပါ။ ဘယ်သူတွေ ဘာပြောပြော မှန်တာတွေကိုပဲ သိချင်ဖတ်ချင်လို့ Eleven အတွက်ချည်းပဲ တလကို ငွေ ၆,၅၀၀ လောက် သုံးနေတဲ့ ဆရာကတော့ နောက်လကစပြီး တခြားဂျာနယ် ပြောင်းဖတ်တော့မယ်ဗျာ။

ရွှေမြန်မာတွေ မျက်လုံးဖွင့်ကြည့်ကြပါ။ ထလော့ ... မြန်မာ၊ မြန်မာ ... ထလော့။

တရက်ရက်မှာ EMG ဟာ ဒီကိစ္စကို တာဝန်ယူရမှာပါ။

ရေးသားသူ - ဒဂုံတက္ကသိုလ် ဥပဒေဌာနက ဆရာတဦး